李蘊突破行內衣騷

李蘊（Renee）、鍾采羲（Iris）、唐貝詩及徐靜雯昨日出席沙田一田百貨舉行的「一田情迷森Bra Show」，Renee和Iris更擔任模特兒，穿著性感內衣行騷，現場有過百「龍友」拍攝。

對於首次行內衣騷？Renee表示：「都幾性感，今次真係淨係得內衣，之前雖然有出過寫真集，但咁多人睇住都係第一次。（可有尷尬？）會呀！所以我都要貼多啲貼紙，怕啲人『高炒』。（呢次突破是否因為酬勞高？）都OK，會換三套內衣，第一套都有得遮下，之後嗰兩套就無。」Renne透露，男友劉謙早知今次的內衣騷，問到男友可有先過目？她笑言，要待報紙出版後才給他過目。

有報導指唐貝欣介入周傑倫之戀成為小三，其姊唐貝詩替她辯護說：「佢哋應該只係普通朋友，我都唔清楚，無聽過佢講。（有雜誌影到佢哋一齊睇戲去派對？）其實係公關公司安排，有一大班人去。」她更指出，若妹妹有拍拖必會通知她。